Nýliðaferlið í Grófinni er einfalt og aðgengilegt. Í Grófinni þarf engar tilvísanir, hér eru engir biðlistar, engin félagagjöld, ekkert vesen. Það eina sem þarf að gera er að hafa samband.

​

Ferlið

1. Kynningarspjall/símtal/tölvupóstur: Einstaklingnum er boðið í Grófina, í kaffi eða jafnvel beint í dagskrárlið. Í framhaldi er tekið stutt spjall til að kynnast einstaklingnum og koma viðkomandi af stað í Grófinni, ef starfið getur hentað einstaklingnum og ef viljinn er til staðar. Bent er á næstu Grófarkynningu og viðkomandi beðinn um að mæta á hana. Einnig er farið yfir dagskrána og í sameiningu fundnir dagskrárliðir sem gætu hentað vel til að byrja með.

2. Kynning á Grófarstarfinu: Einstaklingurinn fær greinagóða kynningu á Grófinni, hugmyndafræði, tækifærum, dagskrárliðum og fleira.

3. Eftirfylgni við fyrstu skref: Við tökum vel á móti nýju fólki og tökum stöðuna á þeim, sérstaklega á þessu prufutímabili. Við nýtum sérstaklega hópana Opið spjall, Jafningjaspjall, Gyðjur og Skúr til að halda utan um nýliða.

4. Nýliðaviðtal: Tekið er formlegt nýliðaviðtal eftir u.þ.b. 4-8 vikur. Þar er skrifað undir skráningarblað og viðkomandi fær aðgang að Facebook-hóp Grófarinnar.

5. Eftirfylgni og viðtöl: Metið og veitt ef þurfa þykir.

 

​

Hverjir fá viðtöl og aukið utanumhald?

• Virkir þátttakendur sem eru að nýta sér hópastarfið í bataferli

  • Þegar brýn þörf er á vegna:

    • Krísu

    • Áfalla

    • Bakslaga

    • Staðan tekin: næstu skref

  • Við erum til staðar fyrir fólk en beinum fólki á sérhæfða aðstoð þegar þarft er (sálfræðinga, geðlækna, félagsráðgjafa, annað...)

​

Stattu með þér í dag og smelltu hér eða hringdu í síma 462-3400/8463434 til að bóka spjall og við munum svara eins fljótt og auðið er!